ნამაი ვაკე მდებარეობს ქალაქის ცენტრში, ზემო ვაკის ტერიტორიაზე, შენარჩუნებულ გამწვანებულ ზონაში, სადაც ქალაქის ხმაური არ აღწევს, მაგრამ ყველა საჭირო დაწესებულება, სკოლები, საბავშვო ბაღები, სამედიცინო და ბიზნეს-ცენტრები ავტომობილით რამდენიმე წუთის სავალზეა.

კომპლექსი განლაგებულია ხეობაში, რაც მის განსხვავებულ კლიმატს განაპირობებს. საცხოვრებელი სახლების ერთი ნაწილი გადაჰყურებს ხეობას, მეორე კი — თბილისს.

ნამაი ვაკეს ორი შესასვლელი აქვს – ღოღობერიძის ქუჩაზე მოხვედრა შესაძლებელია როგორც ჯაფარიძის, ისე ჟვანიას ქუჩების გავლით. როდესაც გზის დასასრულს, შუა ქალაქიდან მოულოდნელად შეცვლილ ხედს და ოაზისივით გამწვანებულ სივრცეს შეამჩნევთ, კეთილი იყოს თქვენი მობრძანება ნამაიში.

ნამაი ვაკე ქართული სახლისა და ევროპული ყოველდღიურობის ნაზავია, სწორედ ამიტომ აქ ძველი თბილისური და თანამედროვე ევროპული დიზაინის სახასიათო და გამორჩეულ დეტალებს შეხვდებით.

აივნის იდეას, როგორც თბილისური არქიტექტურის განუყოფელ ნაწილს და მეზობლებს შორის ურთიერთობისა და სტუმართმოყვარეობის სიმბოლოს, ახალი სული ევროპული აქცენტებით შევძინეთ. აქ ვერ ნახავთ სახლს, რომელსაც არ აქვს ფართო ტერასა ან აივანი, ნათელი და მწვანე ღია სივრცე — დროის სასიამოვნოდ გასატარებლად.